قناة الناس كمان وكمان

نشرت فى زمش بتاريخ 1/8/2007

هى قناة مختلفة وغريبة عن القنوات التى اعتاد عليها المواطن المصرى بشكل خاص والعربى بشكل عام فهى قناة دينية مليئة بالشيوخ (نجوم الكاسيت سابقا) منهم الشيخ محمد حسان والشيخ محمود المصرى ومحمد حسين يعقوب وبالرغم من الاختلاف الكلى الذى طرأ على القناة منذ انطلاقها على القمر الصناعي النيل سات إلى الآن الا انها استطاعت أن تحتل القمة عند كل المصريين فهى القناة المفضلة لدى أكثر من 70% من الشعب المصرى ... لقد استطاعت هذة القناة رغم عمرها القصير أن تحتل قائمة اهتمامات المصريين وتبرمج عقولهم نساء ورجال .. كبار وصغار .. دخلت البيوت واقتحمت الشاشات وتربعت فى عقول المصريين وأصبحت هى الشاشة التى تأخذك إلى الجنة !!.... إنها قناة الناس ..ه
ماذا قال لنا المصريون المغرمون بقناة الناس عن قناة الناس؟
ملحوظة :ه
كل علامات التعجب هنا من عندنا .. وتعليقنا الذى نعتقد انه مهم وضرورى جدا باللون الأزرق..ه
هاجر إسلام 22 سنه (منقبة): انا بحب القناة عشان الشيوخ بتوعها كفاية محمد حسان وأبو إسحاق فقناة الناس بتقدم العلم ببلاش !!.. ووفرت علينا الكتير بدل ماننزل نروح درس ولا مقرئه !! بنقعد نتفرج عليها حتى الدروس مابقتش زى الاول عشان محمد حسان ومحمود المصرى كانوا بيروحوا مسجد العزيز بالله دلوقتى خالص مابقوش يروحوا هى الصراحة قناة ممتازة وانا بحبها قوى ، لكن الصراحة اكتر حاجة بتضايقنى الاعلانات بقيت أحس انها قناة تجارية والاعلانات مستفزة قوى بس الحمد الله هى لسه ماقصرتش على البرامج .. ربنا يستر...!! ه
بدل ما ننزل نروح درس ولا مقرئة !! الأخت المنقبة لم تسمع من قبل عن اختراع اسمه القراءة وأن التعمق فى الدين لمن يريد يكون بالقراءة والدراسة ... إنها ثقافة السمع الغبية والتى لا تصلح سوى للقطيع ..ه
مدام سوسن 60 سنه: انا الصراحة بحب قناة الناس قوى ومابنشغلش غيرها .. اولا لانها احسن من الاغانى والافلام اللى بنقعد ادامها .. وهيا قناة مفيدة بتقدم معلومات دينية كويسة ومفيدة وبتوصل الدين لكل الناس وهما قاعدين فى البيوت!!! من غير ما يتعبوا ولا يروحوا ولا يجيوا !!!!! اما الحاجة اللى بتضايقنى فى القناة هى الاعلانات لانها مستفزة وكتيرة ...ه
بتوصل الدين للناس فى البيوت !!... فعلا مشاهدة تليق بقناة الناس ..ه
أستاذ محمد صلاح 59 سنه: اه طبعا بشوفها وبحبها .. قناة هادفه وبتجيب معلومات كويسة وفيها شيوخ ممتازين زى الشيخ محمد حسان.. راجل معتدل ومش متشدد!!.. الواحد بيحب يتفرج على كل برامجها الصراحة لانها مفيدة وبعدين مش احسن من الكلام الفارغ اللى مالى الدش, واكتر حاجة مش بتعجبنى فى القناة هو موضوع الاعلانات بتاعتها ...ه

أميرة محمد 57 سنه: هى قناة حلوة وبتقدم معلومات دينية كويسة مكناش نعرفها ولا نسمع عنها قبل كده .. احنا بنحب نشغلها على طول عشان نستفيد من برامجها وبعدين هى فيها برامج مفيدة فى أكثر من مجال مش بس برامج دينية ، واكثر حاجة مستفزة وبتضايقنى فى القناة هى الاعلانات لأنها كتيرة جدا ومستفزة قوى ... ه
محمد على 22 سنه: هى مميزاتها انها بتجيب شيوخ كويسين وعلى قدر عالى من العلم !! وذو شعبية واسعة فى الوطن العربي .. لكن الاعلانات التجارية والدعاية مبالغ بها وقد تصل بك إلى درجة من الملل حيث تطول فترة الإعلانات إلى أكثر من نصف ساعة مما يجعلك تنسى ما كنت تشاهده وتقلب المحطة وتذهب إلى أخري. ه
على قدر عالى من العلم !!!.. لم يقل لنا المشاهد ما هى مؤهلات كل من حسين يعقوب ومحمد حسان العلمية مثلا ؟؟؟ وما هى الدرجات العلمية التى حصلوا عليها فى الفقة أو الحديث أو التفسير!!! ه